Sandy ElKassar

اللي يعرفوني عارفين ان اغنية November Rain بالنسبة لي احسن اغنية اتعملت في الكون منذ بدأ الخليقة مرة جربت اكتب مقال بشرح فيه الاغنية بس لقيت اني شبه بترجمها وبتمعن في جمالها من كتر منا بحبها... فأنا انهاردة حابه بس اكتب عن جملة واحدة فيها بطريقة فلسفية شوية "and it's hard to hold a candle in the cold November rain".   بغض النظر عن اني بحس ان الاغنية دي كده عامله زي المعلقات بتاعة شعراء الجاهلية انها اغنية كبيرة فيها مواضيع مختلفة كتير... بس انا بس حابة اتكلم دلوقتي عن الجملة دي تحديدا! اللي هى معناها بالعربي المعنى الحرفي "انك صعب تمسك شمعة في وسط مطر نوفمبر البارد" يعني تخيل فعلا ماشي في مطرة وبرد وماسك شمعة ومولعها وعايزها تفضل منورة عايز تعمل حاجة عكس الطبيعة اللي حواليك... اللي هى بتقولك سيب الشمعة مش هتقدر تولعها دلوقتي طيب سيبونا من التورية والتشبيهات... معنى كلامي اللي فوق ده كله ايه وليه المقدمة الطويلة دي وعاوزة اوصل منها لايه... ان اوقات كتير الواحد بيفضل مخبي جواه احساسه عشان خاطر عيب وميصحش والناس هتفهم ايه والناس هتقول ايه وع...

في البداية غالبا كانت "بكتب اسمك يا حبيبي ع الحور العتيق" وكنت بستغرب من الناس اللي بتقول بيحب حد ميعرفهوش اساسا  فعادي انت ممكن تحب حد يعرفك بس مش شايفك اساسا وبعدين "بتكتب اسمي يا حبيبي ع رمل الطريق" لحد ما نوصل "لمشيت وياكي للاخر اتاري اولك اخر عينيكي خدتني للحلم اللي مبيكملش" وفي الاول قال "من غير كسوف ايوه انا مليت وتعبت لما دريت احساسي بعنيكي من غير كسوف انتي اللي انا حبيت وعشقت واتمنيت شلتك في قلبي سنين عمال اخبيكي" وفي مرحلة الفرشات وكله لوحدي في كل خطوة كنت لوحدي قولت "Con te partiro "وقولت لو هيوصفوا معنى الحب فهى في الاغنية دي انا معاك هسافر وامشي واسيب كل الناس بس افضل معاك عشان "عندي ثقة فيك ومعقول في اكتر؟ انا ما عندي اكتر" وماظنش هيكون عندي اكتر في فيلم 500days of summer كان الكاتب تقريبا كاتب اقتباس من كاتب تاني انه بيقول عشان "تنسى واحده" اكتب عنها  فهنا فهمت يمكن لما قالوا "هحكي عنك للي فاضل من صحابي" كان بيحاول ينساها؟  وقبل البداية كان "بقالي كتير مبتكلمش بخاف يبقى الكلا...