قلبي متل الورد

-

 طول عمري بحب الورد... وحاولت كتير اربي ورد لسنين وسنين... وعمري ما نجحت في ان الورد حتى انه يطلع ورد... وعمري ما فهمت ليه... منا بسقيه كل يوم وبجيبله احسن تربة.... بس لسه الورد بيموت... لدرجة اني فكرت اني مش بعرف اهتم بالورد واني بعمل حاجة غلط... وكنت فقدت الامل ... طول عمري بحب التوليب شكله جميل اوي... والوانه جميله ... بس ملهوش ريحة هو شكل بس... قررت اجيب منه ورد بلاستيك عشان افرح بوجوده وبس... بس عندي بقاله سنتين لدرجة اني بدأت انسى انه موجود... وبطلت اشتري حتى توليب حقيقي بس عشان موجود فمبقتش حتى فكراه!ا

بعدين قررت اشوف انواع تانيه واجرب.. والتجربة المرة دي كانت صعبة اكتر... عشان بدل ما اعمل زي كل مرة واجيبها تقريبا شبه جاهزة وانا بس عليا اني اكمل اسقيها.. لا انا المرة دي قررت اجيب البذور... هجيبها من تحت اوي (حرفيا) 

ودورت اكتر وبدأت اشوف هو بيحتاج ايه ...عندكوا مثلا عباد الشمس بتحط البذرة وتسيبها... هى بس عايزة انك تفتكرها كل يوم مرة واحدة بس وتسقيها بس متتأخرش عشان مرة واحدة اتأخرت لقيت الورق مايل وشكله فعلا حزين... بس طول مانا فكراه كل يوم مرة واحدة بيكبر وبيطول وهو عايز بس اني افتكره المرة الواحدة دي في اليوم

بعدين جبت اوركيد وهو جاهز وبدأت اعامله معاملة عباد الشمس.. بس هو مش بيحب الشمس... ومش بيحب المايه... هو عايز ماية مرة واحدة بس في الاسبوع وده بيديله اللي هو محتاجه... لو اخد زيادة شوية بس بيتخنق وبتبدأ تشوفه قدامك يوم بعد يوم وروده بتقع وفروعه بتصفر وتموت... عشان هو مش عباد الشمس! ... وعشان الماية والشمس بيخنقوه.

واه المرة دي مقدمه كبيرة جدا جدا... بس احنا شبه الورد... في ناس مننا شبه عباد الشمس ... محتاجين اهتمام كل يوم ... يا اما هتشوفهم كل يوم بيدبلوا قدامك وبيموتوا... وبالمناسبة لما بتأخر بس ساعة او ساعتين الورق بيدبل... بس لما بسقيه في نفس اليوم بيرجع يكبر.. بس بيكبر ورقه مرهق ...ودي بس مش تشبيهات... لا دي حقيقة .. ممكن تجربوا تزرعوا عباد شمس... وبجد في ناس كتير مننا كدة! بيحتاجوا يحسوا اننا موجودين عشان يفضلوا كويسين.. وانا اول مرة مقعدش احلل ليه وعشان ايه... عشان ليه عباد الشمس بيحتاج كده ليه مش زي الاوركيد... ليه ربنا مخلقهمش هما الاتنين بيحبوا المايه والشمس... او ليه مخلقهمش هما الاتنين مبيحبوش الماية والشمس؟! منقدرش نعرف... ومش لازم المهم لو انت بتحب الاوركيد لازم متديلهوش مايه وشمس ولو بتحب عباد الشمس لازم تديله شمس ومايه!

مثلا برضه في ناس مننا كتير شبه التوليب .. شكلها حلو بس لمدة مؤقتة بس! يعني كده او كده هيموتوا والزرعة بتاعتهم بتطلع مرة واحدة بس وردة ولو حظك حلو بتطلع مرتين وخلاص ... وعشان تنبسط بيهم ويعيشوا اكتر لازم تجيبوها بلاستيك عشان تعيش بس في الاخر هى بلاستيك مش حقيقية... فلو اختارتها هتكون عارف تستنى منها ايه...

وفي ناس زي الصبار مش دايما شكلها حلو... بس مهما بتكون الظروف بيفضلوا موجودين بيتحملوا مهما حصل 

ولو قلبك زي قلبي متل الورد... ف انت انهي وردة؟!



Comments

Post a Comment

Popular posts from this blog

To be or not to be, that’s the question?

-
As Hamlet said, 'To be or not to be'—aren’t we all wondering the same? Should we be, or shouldn't we? In many situations, we face that question. But today, I’m here to talk about my 'to be or not to be', I’m here today to talk about my question. It's been a while now, I have been asking myself the same question over and over, why do I fall into the same pattern over and over again? Why do I show my vulnerability to people—only to watch them, after a disagreement, try to use it against me, I see how much they are trying to take advantage of this vulnerability that I once trusted them enough to show it to them—and sometimes, I’m not exaggerating—they try to destroy me through it, and I’ve always wondered what did I do to make them hate me that much to make them choose the weakness point that I have and declaring war there?! The strange thing is these people before they turn out the people they are, are very good listeners attention to details, and that's somet...
Read more

انا بخاف من الكوميتمنت

-
في الاول عشان الناس اللي مش عارفه يعني ايه كوميتمنت او commitment هو الارتباط او الالتزام تجاه حاجة معينة ومش شرط يكون بالمنظور الضيق اللي كلنا بنتكلم فيه انه يبقى في التزام تجاه شخص لا هو ممكن يكون خوفك من استمرارك مثلا في شغلك كتير مع صحابك كتير او حتى خوفك من استمرارك انك تزور نفس الاماكن كل مره المهم ان انا هتكلم من وجهة نظري عن خوف الارتباط من المنظور الضيق وهو خوف الارتباط وتكوين علاقة عاطفيه بينك وبين شخص تاني عادة بيكون الخوف ده له اسباب زي ان مثلا الشخص مر بعلاقة قبل كده عقدته او انه خايف يلاقي حاجة في الطرف اللي هيرتبط بيه تضايقه فيمر بعلاقة فاشله تاني واسباب كتير تانيه ومش معنى خوفك من الكومتمنت انك كائن متبلد المشاعر مبتحسش ومبتحبش لا عادي ممكن تكون بتحب وخايف ترتبط بيه عشان ايا كان سببك للخوف من الارتباط    يعني مثلا في الاغنية دي بتاعة جدل هو بيتكلم في الاغنية عنهم لما اتقابلوا وبدأوا يهتموا ببعض وفي الاخر بيقولها انا مكنتش عارف اني هحبك انا بخاف من الكومتمنت ده مثال يعني بس على ان ممكن حد يحب حد وهو بيخاف من الارتباط من ضمن اسبابي الشخ...
Read more