ما بعد فيلم 18 يوم!
خلصت فيلم 18 يوم (مافيش spoilers)
الفكره ان انا فعلا بحس ان من رحمة ربنا انه حتى لو هو بيدينا مصايب وحاجات وحشة فبيوزعها على ايام وبيبقى في ايام في النص كويسة فمش بتحس بالالم بنفس المقدار اللي ممكن تحسه لما يتجمع كله في وقت واحد
الفيلم على قد ما هو لخص 18 يوم من وجهات نظر كتيره على قد ما انا كنت عماله اشوف الناس دي اللي ماتت وقد ايه الشعب اتعذب انا مش عارفه الناس اللي ماتوا دول بيتفرجوا علينا ازاي من فوق دلوقتي وكلنا حاطين جزم في بوقنا وبناكل عيش!
افتكرت برضه ان بعد التحرير كان في محمد محمود وماسبيرو ومجلس الوزرا وبعدين مرسي والناس اللي كانت بتتقتل عند قصر الاتحاديه ورابعه والنهضة وان مش ال 18 يوم دول بس اللي عدوا على مصر
هو الناس دي لما ماتت كانوا عارفين ان احنا هنبقى كده؟
افتكرت برضه ايام يناير يا جماعه ان احنا فعلا كنا بنحاول نخرج احسن ما فينا والناس اللي كانت بتنضف الشوارع كانوا بيحاولوا يثبتوا لنفسهم انهم كويسين ويستاهلوا يبقوا زي الدول النضيفه .. احنا مش شعب معفن احنا شعب معندوش امل عنده لامبالاه حاسس ان البلد دي مش بتاعته وانضفها لمين عشان يوم ما بس كان في امل اثبت العكس!
الفكره اني قعدت افكر طب ما نزلنا وناس ماتت هننزل تاني ونعمل كلاكيت تاني مره! هو فاضل ناس اصلا؟
طب نهاجر ويبقى ملناش كرامة زي ما ملناش كرامة هنا ومضطهدين
فلقيت الحل من وجهة نظري حاليا وانا بعاني بقالي فترة من ميول انتحاريه ان نموت كلنا ملهاش حل تاني يمكن لو فكرت في ثورة تاني هبقى طمعانه في اني اموت مش عشان افدي البلد ومن اجل غد افضل لا ... هبقى طمعانه في اني اموت عشان ارتاح !
ربنا يرحم كل اللي ماتوا ونحسبهم عند الله شهداء ويرحمنا
الفكره ان انا فعلا بحس ان من رحمة ربنا انه حتى لو هو بيدينا مصايب وحاجات وحشة فبيوزعها على ايام وبيبقى في ايام في النص كويسة فمش بتحس بالالم بنفس المقدار اللي ممكن تحسه لما يتجمع كله في وقت واحد
الفيلم على قد ما هو لخص 18 يوم من وجهات نظر كتيره على قد ما انا كنت عماله اشوف الناس دي اللي ماتت وقد ايه الشعب اتعذب انا مش عارفه الناس اللي ماتوا دول بيتفرجوا علينا ازاي من فوق دلوقتي وكلنا حاطين جزم في بوقنا وبناكل عيش!
افتكرت برضه ان بعد التحرير كان في محمد محمود وماسبيرو ومجلس الوزرا وبعدين مرسي والناس اللي كانت بتتقتل عند قصر الاتحاديه ورابعه والنهضة وان مش ال 18 يوم دول بس اللي عدوا على مصر
هو الناس دي لما ماتت كانوا عارفين ان احنا هنبقى كده؟
افتكرت برضه ايام يناير يا جماعه ان احنا فعلا كنا بنحاول نخرج احسن ما فينا والناس اللي كانت بتنضف الشوارع كانوا بيحاولوا يثبتوا لنفسهم انهم كويسين ويستاهلوا يبقوا زي الدول النضيفه .. احنا مش شعب معفن احنا شعب معندوش امل عنده لامبالاه حاسس ان البلد دي مش بتاعته وانضفها لمين عشان يوم ما بس كان في امل اثبت العكس!
الفكره اني قعدت افكر طب ما نزلنا وناس ماتت هننزل تاني ونعمل كلاكيت تاني مره! هو فاضل ناس اصلا؟
طب نهاجر ويبقى ملناش كرامة زي ما ملناش كرامة هنا ومضطهدين
فلقيت الحل من وجهة نظري حاليا وانا بعاني بقالي فترة من ميول انتحاريه ان نموت كلنا ملهاش حل تاني يمكن لو فكرت في ثورة تاني هبقى طمعانه في اني اموت مش عشان افدي البلد ومن اجل غد افضل لا ... هبقى طمعانه في اني اموت عشان ارتاح !
ربنا يرحم كل اللي ماتوا ونحسبهم عند الله شهداء ويرحمنا
Comments
Post a Comment