ليلة امبارح ماجانيش نوم واحنا لسه في اول يوم

-

بغض النظر عن ان العنوان اغنية لسيد مكاوي وبيقول في اولها "يا دايق النوم اوصفلي اماراته"

ويمكن العنوان والاغنية يدوا ايحاء للناس ان المقال عن الحب بقى وكده بس لا اطلاقا هو عن ازمة قلة النوم عندي وازاي انا ممكن اقعد 3 او 4 ورا بعض بنوم 3 ساعات ولو شربت نسكافيه 7 الصبح يسهرني ل 3 الفجر وهكذا 

وكمان ان عندي حدث مهم فمش عايزة اكون قلقانه فقريت ازاي تتحدى قلقك 😂 

فقالك من اهم الاسباب انك متتوترش انك تقلل كمية الكافيين قبل الحدث ده ولاني عارفه اني غير الناس وقررت اشرب نسكافيه انهاردة وهذا الحدث العظيم بكره 

فقررت اعمل ابحاثي عن الكافيين بيقعد قد ايه في جسم الانسان 

ولقيت انه من 4 ل 6 ساعات امال انا فعلا بحب وانا مش واخده بالي مثلا؟ وكل الارق الازلي اللي عندي من 2 كلية وانا متخرجة داخله في 3 سنين يعني 6 سنين ارق ده ايه 😂

فدورت كمان لقيت ان بيبقى في اختلاف ما بينا في ازاي جسمنا والكبد بتاعنا بيكسر الكافيين ده وفي gene معين في جسم الانسان هو اللي مسئول عن ده ومع اختلاف الجينات في الناس كل واحد جسمه بيتصرف مع الكافين ويكسره بسرعه مختلفه عن الانسان التاني 

فال جين المسئول عن الموضوع ده اسمه PDSS2 وانه على حسبه ممكن بتعمل اختبارات معينه عشان تعرف انت ايه درجة حساسيتك للكافيين

فدرجات حساسية الكافيين 3 درجات 
  1. ال hypersensitive او الحساس جدا للكافيين: ودول الناس اللي لو اديتهم مثلا 100 ميلي جرام من الكافيين وهى كمية صغيره جدا ممكن يحصلهم اعراض ال overdose زي انهم يجيلهم ارق ويجيلهم توتر غير عادي ويكون عندهم سرعه في ضربات القلب والحقيقة ان ده ريحني اني عرفت اني من النوع ده لان كل ده بيحصلي تقريبا
  2. تاني نوع ال normal sensitive الي هو الناس العادية: اللي هما من 200:400 ميلي جرام في اليوم واللي هو بيبقى فعلا من 4 ل 6 ساعات في جسمهم 
  3. ال Hyposensitive ودول الناس اللي ممكن ياخدوا اكتر من 500 ميلي جرام في اليوم ويخشوا يناموا بعدها على طول عادي ولا كأن حصل حاجة 
فالفكرة في ال 3 انواع دول ان كل واحد يبقى عارف هو جسمه بيحتاج قد ايه وايه ممكن يأثر عليه بالسلب 

 والغريب اني لما كنت بقول للناس اني بحب الشاي الاخضر عشان هو نسبة الكافيين فيه بتفوقني من قبل ما ادور واعمل ابحاثي دي لقيت انهم في اخر المقال كاتبين ان للنوع الاول احسن حاجة فيها كافيين ممكن يشربوها هى الشاي الاخضر لان النسبة اللي فيه مناسبة جدا 
فكأني كنت عايشه السنين اللي فاتت دي كلها عامله نفسي حقل تجارب للكافيين اللي هو في المقال اللي قريته الابحاث دي 
بتتعمل على الحيوانات ولو اعرف ان بيتعمل عليه ابحاث كان زماني الباحثه ساندي في علم المشاريب

"كيرلوس بهجت في كتابه "التجربة الفكرية لروح امه

قال جملة مشهورة في علم النفس بتقول

"a good therapist teaches you to use the tools you already have to help yourself"

معني الجملة دي ان المعالج الكويس هو اللي يعلمك الحاجات اللي جواك وامكانياتك وصفاتك ايه عشان تعرف تتحكم فيها وتساعد نفسك وان كان هو كان قصده على صفات علم النفس وشخصيتك بس الجملة تنطبق حتى على لو عندك مرض وعرفت صفاته او اي حاجة تانيه

في النهاية متستغربوش لو بتحبوا القهوة وغيركوا مبينامش من كوباية نسكافيه 3 ايام 

المصادر
 

Comments

Post a Comment

Popular posts from this blog

To be or not to be, that’s the question?

-
As Hamlet said, 'To be or not to be'—aren’t we all wondering the same? Should we be, or shouldn't we? In many situations, we face that question. But today, I’m here to talk about my 'to be or not to be', I’m here today to talk about my question. It's been a while now, I have been asking myself the same question over and over, why do I fall into the same pattern over and over again? Why do I show my vulnerability to people—only to watch them, after a disagreement, try to use it against me, I see how much they are trying to take advantage of this vulnerability that I once trusted them enough to show it to them—and sometimes, I’m not exaggerating—they try to destroy me through it, and I’ve always wondered what did I do to make them hate me that much to make them choose the weakness point that I have and declaring war there?! The strange thing is these people before they turn out the people they are, are very good listeners attention to details, and that's somet...
Read more

انا بخاف من الكوميتمنت

-
في الاول عشان الناس اللي مش عارفه يعني ايه كوميتمنت او commitment هو الارتباط او الالتزام تجاه حاجة معينة ومش شرط يكون بالمنظور الضيق اللي كلنا بنتكلم فيه انه يبقى في التزام تجاه شخص لا هو ممكن يكون خوفك من استمرارك مثلا في شغلك كتير مع صحابك كتير او حتى خوفك من استمرارك انك تزور نفس الاماكن كل مره المهم ان انا هتكلم من وجهة نظري عن خوف الارتباط من المنظور الضيق وهو خوف الارتباط وتكوين علاقة عاطفيه بينك وبين شخص تاني عادة بيكون الخوف ده له اسباب زي ان مثلا الشخص مر بعلاقة قبل كده عقدته او انه خايف يلاقي حاجة في الطرف اللي هيرتبط بيه تضايقه فيمر بعلاقة فاشله تاني واسباب كتير تانيه ومش معنى خوفك من الكومتمنت انك كائن متبلد المشاعر مبتحسش ومبتحبش لا عادي ممكن تكون بتحب وخايف ترتبط بيه عشان ايا كان سببك للخوف من الارتباط    يعني مثلا في الاغنية دي بتاعة جدل هو بيتكلم في الاغنية عنهم لما اتقابلوا وبدأوا يهتموا ببعض وفي الاخر بيقولها انا مكنتش عارف اني هحبك انا بخاف من الكومتمنت ده مثال يعني بس على ان ممكن حد يحب حد وهو بيخاف من الارتباط من ضمن اسبابي الشخ...
Read more

قلبي متل الورد

-
Image
 طول عمري بحب الورد... وحاولت كتير اربي ورد لسنين وسنين... وعمري ما نجحت في ان الورد حتى انه يطلع ورد... وعمري ما فهمت ليه... منا بسقيه كل يوم وبجيبله احسن تربة.... بس لسه الورد بيموت... لدرجة اني فكرت اني مش بعرف اهتم بالورد واني بعمل حاجة غلط... وكنت فقدت الامل ... طول عمري بحب التوليب شكله جميل اوي... والوانه جميله ... بس ملهوش ريحة هو شكل بس... قررت اجيب منه ورد بلاستيك عشان افرح بوجوده وبس... بس عندي بقاله سنتين لدرجة اني بدأت انسى انه موجود... وبطلت اشتري حتى توليب حقيقي بس عشان موجود فمبقتش حتى فكراه!ا بعدين قررت اشوف انواع تانيه واجرب.. والتجربة المرة دي كانت صعبة اكتر... عشان بدل ما اعمل زي كل مرة واجيبها تقريبا شبه جاهزة وانا بس عليا اني اكمل اسقيها.. لا انا المرة دي قررت اجيب البذور... هجيبها من تحت اوي (حرفيا)  ودورت اكتر وبدأت اشوف هو بيحتاج ايه ...عندكوا مثلا عباد الشمس بتحط البذرة وتسيبها... هى بس عايزة انك تفتكرها كل يوم مرة واحدة بس وتسقيها بس متتأخرش عشان مرة واحدة اتأخرت لقيت الورق مايل وشكله فعلا حزين... بس طول مانا فكراه كل يوم مرة واحدة بيكبر وبيطول وهو ع...
Read more