الكراسة الصفرا

-
جون افيرنج بيقول مقوله فيما معناها: "ان ذاكرتك عبارة عن وحش انت بتنسى لكن هى مبتنساش .. هى بتجمعلك حاجات في دماغك او بتبعد عنك حاجات تانيه ب ارادة خاصة بيها هى لوحدها .. انت فاكر انك بتملكها لكنها هى اللي بتملكك".

Your memory is a monster; you forget - it doesn't. It simply files things away. It keeps things for you, or hides things from you - and summons them to your recall with a will of its own. You think you have a memory, but it has you!


وبمناسبة نهاية السنة فدايما بيبقى كلنا عندنا ظاهره اننا عايزين السنة تخلص على اساس نبدأ بداية جديدة على نضافة .. على اساس اننا هنتغير من بس كام رقم اتغيروا في النتيجة!!

الفكرة ان ذاكرتك بتلعب في الوقت ده من السنة او معظم الناس انها بتفكرك بالحاجات الوحشة وكأن السنة كلها عدت من غير حاجات حلوة .. من رحمة ربنا انه مبيديناش كل الاحداث الوحشة ورا بعض وزي ما بيقول في سورة الشرح "ان مع العسر يسرا" يعني كل حاجة وحشة فيها حاجة حلوة مستخبية فيها

الفكرة فان لو فضلنا بنفس عقليتنا السنة اللي جاية واللي بعدها هتفضل الاحداث التعيسه تتكرر هى هى زي ما هى 

فلو كنت انسان فاشل عمليا ومحاولتش تشتغل على نقط ضعفك ورضيت بالوضع المريح ده هتفضل مكانك زي ما انت 
لو كنت مقلل كرامتك مع ناس تانيه وحاسس ان الناس جاية عليك لو مخدتش خطوة عشان تغير ده هتفضل زي ما انت 

الخلاصة لو مخدتش القرار ان انت تغير السنة الجديدة او تعمل انت الاحداث اللي تنبسط بيها غالبا هتبقى السنة دي نهايتها زي نهاية السنة اللي فاتت زي نهاية السنين الجاية

الفكرة ان المفروض لما ذاكرتنا تقلب علينا الوحش في نهاية كل سنة تفتكر ان لا فعلا في حاجات حلوة يكفيك ان ربنا بيرزقك وعايش بصحة كل حاجة بتنقص عندك انت عندك حاجات كتير اوي مكانها

في فيلم اللمبي لما كان بيدور على الكراسة الصفرا عشان يعرف هو له جمايل ايه عند الناس فدوروا في كرساتكم الصفرا وشوفوا ايه الحلو اللي عندكم عشان تعرفوه تطلعوه وقت ما تحتاجوه

باتريك روثفيس قال برضه :
"There are times when reality is nothing but pain, and to escape that pain the mind must leave reality behind"

معنى الكلام ان اوقات الحقيقة مبتكونش حاجة غير انها الم .. الم من الذكريات يعني وعشان تهرب من الالم ده لازم تسيب الحقيقة وراك

فانا عذراكم وعذراني لما بنوصل اوقات ان الحياة وحشة ولماذا لم يحبنا العالم واحنا عايشين ليه وlife is unfair وكده

بس يا تواجهوا مشاكلكم وتحلوها عشان متفضلوش بيها لسنة جديدة تعباكوا يا تهربوا منها ومتفكروش فيها لو ملهاش حل

في النهاية لازم تحطوا نهاية لكل الاحداث الحزينه اللي بتفتكروها كل اخر سنة عشان متبقاش هى ذكرى السنة دي الوحشة

ولو ان your memory is a monster you forget but it doesn't

و happy new year

Comments

Post a Comment

Popular posts from this blog

To be or not to be, that’s the question?

-
As Hamlet said, 'To be or not to be'—aren’t we all wondering the same? Should we be, or shouldn't we? In many situations, we face that question. But today, I’m here to talk about my 'to be or not to be', I’m here today to talk about my question. It's been a while now, I have been asking myself the same question over and over, why do I fall into the same pattern over and over again? Why do I show my vulnerability to people—only to watch them, after a disagreement, try to use it against me, I see how much they are trying to take advantage of this vulnerability that I once trusted them enough to show it to them—and sometimes, I’m not exaggerating—they try to destroy me through it, and I’ve always wondered what did I do to make them hate me that much to make them choose the weakness point that I have and declaring war there?! The strange thing is these people before they turn out the people they are, are very good listeners attention to details, and that's somet...
Read more

انا بخاف من الكوميتمنت

-
في الاول عشان الناس اللي مش عارفه يعني ايه كوميتمنت او commitment هو الارتباط او الالتزام تجاه حاجة معينة ومش شرط يكون بالمنظور الضيق اللي كلنا بنتكلم فيه انه يبقى في التزام تجاه شخص لا هو ممكن يكون خوفك من استمرارك مثلا في شغلك كتير مع صحابك كتير او حتى خوفك من استمرارك انك تزور نفس الاماكن كل مره المهم ان انا هتكلم من وجهة نظري عن خوف الارتباط من المنظور الضيق وهو خوف الارتباط وتكوين علاقة عاطفيه بينك وبين شخص تاني عادة بيكون الخوف ده له اسباب زي ان مثلا الشخص مر بعلاقة قبل كده عقدته او انه خايف يلاقي حاجة في الطرف اللي هيرتبط بيه تضايقه فيمر بعلاقة فاشله تاني واسباب كتير تانيه ومش معنى خوفك من الكومتمنت انك كائن متبلد المشاعر مبتحسش ومبتحبش لا عادي ممكن تكون بتحب وخايف ترتبط بيه عشان ايا كان سببك للخوف من الارتباط    يعني مثلا في الاغنية دي بتاعة جدل هو بيتكلم في الاغنية عنهم لما اتقابلوا وبدأوا يهتموا ببعض وفي الاخر بيقولها انا مكنتش عارف اني هحبك انا بخاف من الكومتمنت ده مثال يعني بس على ان ممكن حد يحب حد وهو بيخاف من الارتباط من ضمن اسبابي الشخ...
Read more

قلبي متل الورد

-
Image
 طول عمري بحب الورد... وحاولت كتير اربي ورد لسنين وسنين... وعمري ما نجحت في ان الورد حتى انه يطلع ورد... وعمري ما فهمت ليه... منا بسقيه كل يوم وبجيبله احسن تربة.... بس لسه الورد بيموت... لدرجة اني فكرت اني مش بعرف اهتم بالورد واني بعمل حاجة غلط... وكنت فقدت الامل ... طول عمري بحب التوليب شكله جميل اوي... والوانه جميله ... بس ملهوش ريحة هو شكل بس... قررت اجيب منه ورد بلاستيك عشان افرح بوجوده وبس... بس عندي بقاله سنتين لدرجة اني بدأت انسى انه موجود... وبطلت اشتري حتى توليب حقيقي بس عشان موجود فمبقتش حتى فكراه!ا بعدين قررت اشوف انواع تانيه واجرب.. والتجربة المرة دي كانت صعبة اكتر... عشان بدل ما اعمل زي كل مرة واجيبها تقريبا شبه جاهزة وانا بس عليا اني اكمل اسقيها.. لا انا المرة دي قررت اجيب البذور... هجيبها من تحت اوي (حرفيا)  ودورت اكتر وبدأت اشوف هو بيحتاج ايه ...عندكوا مثلا عباد الشمس بتحط البذرة وتسيبها... هى بس عايزة انك تفتكرها كل يوم مرة واحدة بس وتسقيها بس متتأخرش عشان مرة واحدة اتأخرت لقيت الورق مايل وشكله فعلا حزين... بس طول مانا فكراه كل يوم مرة واحدة بيكبر وبيطول وهو ع...
Read more