وبزهد ما في الرحلة من زخرف

-
"وبزهد ما في الرحلة من زخرف ومزهدهاش مدام فيها رمق يتعاش أكيد في الرحلة يوم متحاش وتعرف عنه اصلا ايه مافيش غير انه لسه مجاش" - مصطفى ابراهيم ,تفرانيل 100
احنا ممكن نعتبر المقال ده او البوست ده التحليل الاستراتيجي بتاع الكام كلمه دول اللي قالهم مصطفى ابراهيم
هو هنا بيقول على الزخارف اللي في الدنيا الرفاهيات الحاجات اللي ملهاش لازمة بس مبيزهدش الدنيا ممكن عشان زي مثلا ما ابراهيم عبحميد صديقي بيقول انه عنده شغف وفضول للدنيا لسه وعايز يعرف لسه جايبه ايه فيكون ده نفس السبب اللي مخلي مصطفى ابراهيم لسه مزهدهاش؟!
وهى الدنيا ايه اصلا غير شوية الزخرف اللي فيها كان في فيلم Fight Club جملة مشهورة 
"Advertising has us chasing cars and clothes, working jobs we hate so we can buy shit we don't need."
والجملة دي معناها اننا بنشتغل شغلنات احنا بنكرها عشان نشتري خرا احنا مش محتاجينه اصلا
فاحنا اصلا عايشين في الحياة بنرهق نفسنا عشان نعمل حاجات احنا مش محتاجينها عشان نجيب الزخارف بس!
فهى ايه اصلا الحياة من غير زخرف؟ هى الحياة اصلا زخرف متاع الغرور
وبعدين قام جه قالك "مادام فيها رمق يتعاش".
طب لو مفيهاش رمق وكفرت بكل حاجة فيها ونظرتك انها دايما زايله وهتنتهي بتطاردك من وقت للتاني وان كل اللي احنا بنتعب نفسنا عليه للزوال؟ فبنتعب ليه! 
ماذا لو ان عشنا طول حياتنا نبحث عن هذا "الرمق اللي بيتعاش" ولم نجده؟! ماذا لو ان انا دون عن باقي الناس معنديش رمق يتعاش؟ ماذا لو ان الرمق اللي بيتعاش عندي انا مش عيزاه وعايزه رمق تاني؟ ماذا لو ان العنكبوت الذي قتلته في غرفتك كان يظن انه صديقك الوحيد؟ لا ده موضوع تاني مش مشكلة
قام قالك وكأنه بيرد على تساؤلاتي "اكيد في الرحلة يوم متحاش وتعرف عنه اصلا ايه مافيش غير انه لسه مجاش"
طب افرض انا قعدت استنيت اليوم يجي ومجاش وانت ايه اللي اكدلك ان في الرحلة يوم متحاش ما يمكن الايام الحلوة خلصت الاول مثلا او الراجل بتاع الايام الحلوة خسر فلوسه بعد الثورة؟ فمبقاش بيبعت الايام اللي متحاشه وباعها لراجل غني بقى هو عنده واحنا لا؟
ما يمكن اللي مخليك متزهدش الدنيا هو الامل ولا شئ غير الامل لان بدونه ما كنا جميعا احياء 
وماذا نفقد في الرحلة بعد فقدان الامل؟ وماذا يدواي جراح الفقد دون الزهد؟
وبزهد ما في الرحلة من زخرف "وبزهدها"

Comments

  1. UnknownApril 21, 2019 at 3:12 PM

    This comment has been removed by a blog administrator.

    ReplyDelete

Post a Comment

Popular posts from this blog

To be or not to be, that’s the question?

-
As Hamlet said, 'To be or not to be'—aren’t we all wondering the same? Should we be, or shouldn't we? In many situations, we face that question. But today, I’m here to talk about my 'to be or not to be', I’m here today to talk about my question. It's been a while now, I have been asking myself the same question over and over, why do I fall into the same pattern over and over again? Why do I show my vulnerability to people—only to watch them, after a disagreement, try to use it against me, I see how much they are trying to take advantage of this vulnerability that I once trusted them enough to show it to them—and sometimes, I’m not exaggerating—they try to destroy me through it, and I’ve always wondered what did I do to make them hate me that much to make them choose the weakness point that I have and declaring war there?! The strange thing is these people before they turn out the people they are, are very good listeners attention to details, and that's somet...
Read more

انا بخاف من الكوميتمنت

-
في الاول عشان الناس اللي مش عارفه يعني ايه كوميتمنت او commitment هو الارتباط او الالتزام تجاه حاجة معينة ومش شرط يكون بالمنظور الضيق اللي كلنا بنتكلم فيه انه يبقى في التزام تجاه شخص لا هو ممكن يكون خوفك من استمرارك مثلا في شغلك كتير مع صحابك كتير او حتى خوفك من استمرارك انك تزور نفس الاماكن كل مره المهم ان انا هتكلم من وجهة نظري عن خوف الارتباط من المنظور الضيق وهو خوف الارتباط وتكوين علاقة عاطفيه بينك وبين شخص تاني عادة بيكون الخوف ده له اسباب زي ان مثلا الشخص مر بعلاقة قبل كده عقدته او انه خايف يلاقي حاجة في الطرف اللي هيرتبط بيه تضايقه فيمر بعلاقة فاشله تاني واسباب كتير تانيه ومش معنى خوفك من الكومتمنت انك كائن متبلد المشاعر مبتحسش ومبتحبش لا عادي ممكن تكون بتحب وخايف ترتبط بيه عشان ايا كان سببك للخوف من الارتباط    يعني مثلا في الاغنية دي بتاعة جدل هو بيتكلم في الاغنية عنهم لما اتقابلوا وبدأوا يهتموا ببعض وفي الاخر بيقولها انا مكنتش عارف اني هحبك انا بخاف من الكومتمنت ده مثال يعني بس على ان ممكن حد يحب حد وهو بيخاف من الارتباط من ضمن اسبابي الشخ...
Read more

قلبي متل الورد

-
Image
 طول عمري بحب الورد... وحاولت كتير اربي ورد لسنين وسنين... وعمري ما نجحت في ان الورد حتى انه يطلع ورد... وعمري ما فهمت ليه... منا بسقيه كل يوم وبجيبله احسن تربة.... بس لسه الورد بيموت... لدرجة اني فكرت اني مش بعرف اهتم بالورد واني بعمل حاجة غلط... وكنت فقدت الامل ... طول عمري بحب التوليب شكله جميل اوي... والوانه جميله ... بس ملهوش ريحة هو شكل بس... قررت اجيب منه ورد بلاستيك عشان افرح بوجوده وبس... بس عندي بقاله سنتين لدرجة اني بدأت انسى انه موجود... وبطلت اشتري حتى توليب حقيقي بس عشان موجود فمبقتش حتى فكراه!ا بعدين قررت اشوف انواع تانيه واجرب.. والتجربة المرة دي كانت صعبة اكتر... عشان بدل ما اعمل زي كل مرة واجيبها تقريبا شبه جاهزة وانا بس عليا اني اكمل اسقيها.. لا انا المرة دي قررت اجيب البذور... هجيبها من تحت اوي (حرفيا)  ودورت اكتر وبدأت اشوف هو بيحتاج ايه ...عندكوا مثلا عباد الشمس بتحط البذرة وتسيبها... هى بس عايزة انك تفتكرها كل يوم مرة واحدة بس وتسقيها بس متتأخرش عشان مرة واحدة اتأخرت لقيت الورق مايل وشكله فعلا حزين... بس طول مانا فكراه كل يوم مرة واحدة بيكبر وبيطول وهو ع...
Read more