comfort zone

ال gif ده من اغنية good enough بتاعة evanscence ودي الاغنية اللي غالبا هتبقى شغاله لما تقروا البوست

بس بغض النظر عن الكلام بتاع الاغنية اللي بس هقتبس منه جملة واحده في اخر المقال هى في الاغنية بتبدأ كل حاجة حواليها يبان عليها اثار الانهيار او انها هتتحرق

وهى بتبقى رايحة ناحية البيانو وبتبدأ تعزف وزي ما انتوا شايفيين في ال gif كده هى بتبقى الدنيا كلها بتولع حواليها وهى قاعده بس بتعزف على البيانو وتغنى

على غرار هذا الموضوع .. حلوة غرار دي في اغنية للاستاذ حامد سنو بيقول "لناس حولي غريبين مش أموات ولا عايشين لو أيامي معدودين عم بعزف جوات ڤاترين بس بلبس ضحكاتي والفرحة بتلبق بي فليكن ما يكون بدي كون بعدني واقف عم غني"

كل المقدمة الطويلة دي عشان بس اتكلم عن الcomfort zone اللي هى الحاجة اللي بتنبسط وانت بتعملها او المكان اللي بتحب تكون فيه الناس اللي بتحب تكلمهم اللي غالبا بتهرب من مشاكل الحياة او من الحياة نفسها 😂 في ال comfort zone دي سواء ناس مكان حاجة بتحب تعملها

فمثلا هنا على الرغم من انها كانت البيت حواليها بيتحرق الا انها قعدت تغني وتعزف على البيانو الحاجة او الملجأ مثلا ومن وجهة نظري بتهرب بيه من الحاجات اللي مضيقاها ومكنش هاممها اللي بيحصل لا بالعكس هى كملت فانا دايما بحس من المشهد ده بمعنى الهروب من الواقع 

او في اغنية حامد سنو لما بيقول انه مش عاجبه الحياة اللي حواليه بس هيفضل يعزف وان مهما يحصل هو بس عايز يفضل يغني الحاجة اللي هو بيحب يعملها وبيهرب بيها

ممكن مجموعه من الناس انت بتحب تهرب وسطهم او تكون معاهم ممكن زي ما فيروز قالت "تعبانة وبدي حاكيك حاكيني الله يخليك"؟! ممكن .. 

الفكرة كلها في الهروب فمش شرط تهرب فتلم هدومك وتهرب .. انت ممكن تهرب في فيديو بتشوفه او ناس بتكلمهم او عزف على بيانو او اغنية بتغنيها

انت ممكن تبقى الدنيا بتنهار حواليك وانت مستمتع ومش شاغل دماغك عشان انت وسط الcomfort zone بتاعتك

في الاغنية اللي شغاله بعد ما النار بتطفي او بتبدأ تطفي بتقول
 "And I'm still waiting for the rain to fall Pour real life down on me"

هى معنى الجملة انها مستنية المطر ينزل عشان يرجعلها الحياة والدنيا بتشتي والنار بتطفي والحياة بترجع زي ما كانت... فيمكن برضه هى هروبها مستنيه فيه يحصل حاجة تغير الوحش اللي حواليها 

وفي النهاية احب انهي بالصورة دي