Somebody that i used to know!

-
في الاغنية اللي شغاله دي في حته بيقول فيها 
"but you didn't have to cut me off make it like it never happen and we were nothing, now I don't even need your love you treat me like a stranger and it feels so rough"!

وتقريبا ده اللي هتكلم في الكلام اللي جاي عنه

معنى الكلام يعني انه مكانش لازم تلغيني من حياتك وكأن مكنش في بينا حاجة واننا عمرنا ما كنا حاجة وانا مش محتاج حبك ده وانت بتعاملني زي الاغراب وده احساس صعب جدا!

الفكرة ان انا يمكن اتكلمت مرات ومرات عن القرب من الناس والبعد عنهم وقد ايه الموضوع مؤثر بالنسبة لي وعلى الرغم من ذلك الا ان الناس بتبقى عارفه وبرضه بتيجي تقرب وتحسسك انك قريب جدا وفجأة تبعد بدون مبررات

الادهى والأمر إن بقى يحصل حاجة لطيفة جدا وهى ان الشخص اللي قدامك يبدأ يحسسك انك كنت مجنون ان على فكرة انت كان بيتهيألك انت عمرك ما كنت قريب وانك شخص فضولي متطفل على حياتي موهوم ربنا يشفيك!

يعني سواء ارتباط او صداقة او ايا كان تحسسك انك مجنون ان كل اللي مريتوا بيه سوا ده كان مجرد تهيؤات انك حتى مش شخص قريب لا انت اقل من العادي وان الناس كلها زيك

وارد جدا فأي علاقة في الدنيا انك تزهق تمل او تحس انك مش عايز تكون مع الاشخاص دي بالشكل ده بعد كده ليه بيكون الخروج بالشكل ده ليه بنتعامل مع عقول اللي قدامنا على انها عقول صغيرة للدرجة دي؟

اقصر الطرق واحسنها المصارحة .. الصراحة لو في حب مثلا وعايز حاجة مش واضحة مش مؤيدة ممكن تبقى صريح من الاول مع الشخص اللي قدامك وتشوفه هيتقبل ده ولا لا .. لو صداقة ومش عايز تبقى قريب ومتداخل مع الشخص ده حط حدودك من الاول ..!

ممكن على الاقل نقول مبقيناش مرتاحين مبقتش عندي بنفس القيمة بس بيبقى صعب عندنا نحرج نفسنا فنقعد نجرح ونتعب الاشخاص اللي قدامنا وخلاص ومستهونين باحساسهم وقد ايه الحاجات دي ممكن تاخد من حياتهم وتفكيرهم

متستهونوش بمشاعر الناس يا جماعة وتعلقهم بيكوا .. متستخفوش بعقول الناس ... واختاروا ناس شبهكوا عاوزين نفس الحاجات اللي انتوا عايزنها 

واخيرا...

Comments

Post a Comment

Popular posts from this blog

To be or not to be, that’s the question?

-
As Hamlet said, 'To be or not to be'—aren’t we all wondering the same? Should we be, or shouldn't we? In many situations, we face that question. But today, I’m here to talk about my 'to be or not to be', I’m here today to talk about my question. It's been a while now, I have been asking myself the same question over and over, why do I fall into the same pattern over and over again? Why do I show my vulnerability to people—only to watch them, after a disagreement, try to use it against me, I see how much they are trying to take advantage of this vulnerability that I once trusted them enough to show it to them—and sometimes, I’m not exaggerating—they try to destroy me through it, and I’ve always wondered what did I do to make them hate me that much to make them choose the weakness point that I have and declaring war there?! The strange thing is these people before they turn out the people they are, are very good listeners attention to details, and that's somet...
Read more

انا بخاف من الكوميتمنت

-
في الاول عشان الناس اللي مش عارفه يعني ايه كوميتمنت او commitment هو الارتباط او الالتزام تجاه حاجة معينة ومش شرط يكون بالمنظور الضيق اللي كلنا بنتكلم فيه انه يبقى في التزام تجاه شخص لا هو ممكن يكون خوفك من استمرارك مثلا في شغلك كتير مع صحابك كتير او حتى خوفك من استمرارك انك تزور نفس الاماكن كل مره المهم ان انا هتكلم من وجهة نظري عن خوف الارتباط من المنظور الضيق وهو خوف الارتباط وتكوين علاقة عاطفيه بينك وبين شخص تاني عادة بيكون الخوف ده له اسباب زي ان مثلا الشخص مر بعلاقة قبل كده عقدته او انه خايف يلاقي حاجة في الطرف اللي هيرتبط بيه تضايقه فيمر بعلاقة فاشله تاني واسباب كتير تانيه ومش معنى خوفك من الكومتمنت انك كائن متبلد المشاعر مبتحسش ومبتحبش لا عادي ممكن تكون بتحب وخايف ترتبط بيه عشان ايا كان سببك للخوف من الارتباط    يعني مثلا في الاغنية دي بتاعة جدل هو بيتكلم في الاغنية عنهم لما اتقابلوا وبدأوا يهتموا ببعض وفي الاخر بيقولها انا مكنتش عارف اني هحبك انا بخاف من الكومتمنت ده مثال يعني بس على ان ممكن حد يحب حد وهو بيخاف من الارتباط من ضمن اسبابي الشخ...
Read more

قلبي متل الورد

-
Image
 طول عمري بحب الورد... وحاولت كتير اربي ورد لسنين وسنين... وعمري ما نجحت في ان الورد حتى انه يطلع ورد... وعمري ما فهمت ليه... منا بسقيه كل يوم وبجيبله احسن تربة.... بس لسه الورد بيموت... لدرجة اني فكرت اني مش بعرف اهتم بالورد واني بعمل حاجة غلط... وكنت فقدت الامل ... طول عمري بحب التوليب شكله جميل اوي... والوانه جميله ... بس ملهوش ريحة هو شكل بس... قررت اجيب منه ورد بلاستيك عشان افرح بوجوده وبس... بس عندي بقاله سنتين لدرجة اني بدأت انسى انه موجود... وبطلت اشتري حتى توليب حقيقي بس عشان موجود فمبقتش حتى فكراه!ا بعدين قررت اشوف انواع تانيه واجرب.. والتجربة المرة دي كانت صعبة اكتر... عشان بدل ما اعمل زي كل مرة واجيبها تقريبا شبه جاهزة وانا بس عليا اني اكمل اسقيها.. لا انا المرة دي قررت اجيب البذور... هجيبها من تحت اوي (حرفيا)  ودورت اكتر وبدأت اشوف هو بيحتاج ايه ...عندكوا مثلا عباد الشمس بتحط البذرة وتسيبها... هى بس عايزة انك تفتكرها كل يوم مرة واحدة بس وتسقيها بس متتأخرش عشان مرة واحدة اتأخرت لقيت الورق مايل وشكله فعلا حزين... بس طول مانا فكراه كل يوم مرة واحدة بيكبر وبيطول وهو ع...
Read more