اذاعة الاغاني الجزء التاني (الأخير)

في كتاب هيبتا كان في فصل اسمه البداية وقال ان البداية هى دايما نهاية قصة تانية فمش عارفة اللي هكتبه دلوقتي ده يعتبر البداية ولا النهاية

من بعد ما كان لو حبيتيني كان ما عزفتلهمش بقت وبطعم المانجا وكامنجا تعزف لي على الجرح ارتاح يمكن بقيت بعزف لنفسي مش للمأساة 

يمكن " انا لما سبتك كل حاجه اتغيرت ريحه الشوارع والدكانين القديمه والبيوت كأني ببدء من جديد رحله حياتي او بموت " مكنتش سهلة عشان اكون هنا دلوقتي زي مانا بكتب من غير دموع من غير اي احساس 

يمكن يكون الجزء التاني من المقال مش حلو زي الاول موضوع انشا مفيهوش احساس فمتحسهوش زي اللي فات

وانا عارفة ان ياما قولت "ما تتركني هيك" بس انت مكنتش سامع اصلا حتى لما سمعت الاغنية انت مكنتش فاكر اني سمعتهالك قبل كده وجايز تكون مسمعتهاش بس عرفت يعني ان "شئت ام ابيت العربية راح تمشي ومشوارك ما اله معنى متل كل شي"

على قد ما الحاجات يمكن ساعات بتبقى حلوة من بعيد او لما قالوا الحب اعمى مكذبوش ويمكن عشان كده كنت دايما شايف انه مينفعش كنت شايف بعين العقل فمش متخيلة اني كنت بقول con te partiro ولما روحنا مسافة 300 كيلو بعيد ولعنا في بعض

انا قولت زمان I tried to go on like I never knew you بس قالوا But if you could heal a broken heart

Wouldn't time be out to charm you

ف زي ما قالوا time can heal the pain او زي ما قال Patrick Rothfuss

Second is the door of forgetting. Some wounds are too deep to heal, or too deep to heal quickly. In addition, many memories are simply painful, and there is no healing to be done. The saying 'time heals all wounds' is false. Time heals most wounds. The rest are hidden behind this door.

كان اه فعلا "بقالي كتير ما بتكلمش" بس مش عارفه يمكن بقت "مافيش احساس لحسن الحظ ولسوءه مبيعديش مافيش ولا طعم حاجة من اللي بندوقه مسيره يعيش بحلوه وبمره كله بيتسخط لمفيش يا سبحان اللي بيعودنا على الحاجة فننساها ويخفف كاسات الناس بماية بدال ما يملاها عشان طعم اللي فيها يروح عشان طعم اللي فيها يخف بيقولوا مجازا المجروح اذا خد على الوجع بيخف"

الحدث اكيد مش مأثر فيا زي ما كنت بكتب الجزء الأول من سنة أنا اوقات بحمد ربنا إن كل حاجة محصلتش انها محصلتش حتى بطلت ادعي بحاجة عشان مزعلش لو متحققتش 

وعرفت ان دايما في حاجات اكبر ومشاكل اكتر من حاجة عوزتها ومنفعتش فكنت بفتكر

If you having girl problems I feel bad for you son I got ninety nine problems but a bitch ain't one

فكانت سنة مليئة بالمشاكل ومكنتش قادرة الاقي اي silver lining بس ساعات ربنا بيحط في طريقنا اشخاص عشان يحسسونا اننا كويسين 

ياما قولت "عودي ولاقينا لأنه الطريق توهان" مبقتش احس اني تايهه مبقتش حس ان حاجة غيري سيقاني مشاعري مستقرة وفاهمة كل حاجة وحتى لما الدنيا بتبوظ بكون في وضع السيطرة انا عارفة انا رايحة فين وجايه منين

كنت شايفة ان "انا وانتي ممكن نغزو العالم" بقيت شايفة ان " انتي خسرتي كنز والكنز هاد  أنا"!! 

عمرنا ابدا ما بنكون "خسرانين على الجهتين" دايما بنكون منظورنا ضيق في وقت اللي بيتفرض علينا وضع مكناش عايزينه و"انا بعترفلك بدونك اسهل" يمكن في الاول كانت اصعب وشبه مستحيل بس احيانا بنحتاج نبص على المواضيع من فوق عشان نعرف نقدر الحاجة بمقاديرها الصح

ولوقت كبير كنت حاسه اني زومبي متحرك ماشي على الارض بدون مشاعر ولا احساس مكنتش فاهمة كنت بحس "i must have died alone a long long time ago who knows not me i've never lost control"

كنت في حالة تشويش مش عارفة انا فين وشوفت ناس عرفت معاهم ان ممكن اعيش مع ناس مختلفين عني تماما عكسي في كل حاجة تقريبا واكون مبسوطة

ورجعت اسمع فيروز "هجرك بيحرقنا لكن شو ما نقولك بدك تفارقنا الله يسهلك" ومبقتش بفتكرك لما بسمعها ومابحسش بأي "غصة في قلبي" ولا بقى في اي "نار في صدري تحرق مدينة" يمكن عشان "حبيبي .. حبيبي ما عاد يلمسني الحنين"!

ولأنك دايما كنت بتوجهني في حاجات بشكل او بأخر ف أنت عرفتني قيمة نفسي عرفتني قد ايه انا قوية عرفتني انا المفروض اقبل بايه ومقبلش بايه عرفتني ليه it was never meant to be 

يمكن مبقاش في اغاني كلها كنت بحب حب تاني حب هادي حب عاقل او مش حب بس حالة لطيفة حتى لما راحت مكنتش exrocism زي ما كان 

او يمكن عشان اللي بيتلسع من الشربة بينفخ في الزبادي

ومش عارفه اديني غبت سنة بس مبقتش زي ما انا قدرت انساك وبقى ليا غنى وتوبت عن حبك أنا!