Sandy ElKassar

في مدينة الاشباح حيث لم يعد هناك احياء كل منا قد مات منذ فترة ولكن يستمر في التظاهر بأنه لا يزال على قيد الحياة  كنت دائما اتعجب لماذا يكون لون بيوت الاشباح رمادي؟ اللون الذي يخيم دائما على الستائر وحيطان المنزل والان فقط عرفت عندما سكنت مدينتهم  دعني اضرب لك مثال لماذا اللون الرمادي عندما ترى النار مشتعله في اي غابة بعيدة تكون دليلك الواضح على وجود حياة في هذا المكان اليس كذلك؟ ولكن ماذا لو اردت ان تقتل حياة هذه اللهب؟ ستخمدها حتى تتحول الى رماد الي ذلك اللون الرمادي الذي يدل ان تلك القطع الخشبيه كانت مشتعله بنيران حية يوما ما فهو دليل على افتقار الحياة لهذا تكون اسوار الزنازين رمادية ليفقدوك ما كنت تحصل عليه خارجها وهو الحياة لون يبعث في نفسك الفتور وزهد كل ما هو جميل لهذا هو لون مدينتهم اراهم جميعهم حولي يرتدون تلك الملاءات البيضاء ووحدي ارتدي فستانا ورديا في مدينتنا اقصد مدينتهم اشعر بالغربة اشعر بالبرودة اصبحت بلا ذكريات لا اتذكر المرة الاخيره التي كنت بها سعيدة كلما اقتربت منهم اجدهم غير مبالين كل ما يريدونه هو اجزاء من روحي ليشعروا بالحياة ولو ثوان قليلة...

لقد اختلقت لك الكثير من الاعذار وزدت عن وصية جعفر بن محمد ولم التمس فقط سبعون عذرا بل زدت الفا ولكن بلا جدوى كنت اظن ان تسامحي سيعلي من شأني عندك ولكن في كل مرة كنت انقص من قدري شبرا حتى كدت اخسر نفسي وها انا الان احاول ان اجمع شتاتها واعلن الانسحاب كقائد مهزوم في حرب وهو يختار الانسحاب كي يتفادى المزيد من الخسائر بقدر ما قلبي يريد البقاء ويريد ان يزيد الالف واحد اخر ولكن سائر نفسي اعلنت عليه العصيان لم يصدق احد ردود افعالي معك جميعهم يعرفون كيف اكون قوية ولا اخشى احد وكيف كان بمقدوري ان أأخذ حقي من البداية جميعهم يستغربون علي تمسكي بك حتى الان لانهم يعرفون كم من مرة محيت وجود اشخاص من حياتي لمجرد ان اساءوا لي مره! وأنت ايضا تعرف! فأنت الاولى من الجميع بالمعرفة كم من مرة قصصت لك اني لم اعد اعود فلان لانه اهانني او لم اعد اكلم علان لان كلماته لم تروق لي؟! ام خانتك ذاكرتك كعادتها هذه المره ايضا؟  لا لن اتركك وحيدا سأبقيك بجانبي وسأحتفظ بك ولكن هذه المرة في خزائن النسيان .. لا انت بالقريب الذي يؤلمني ولا بالبعيد البعد الذي قد ينسيني اساءتك  فكلما مرت ذكراك سات...

جون افيرنج بيقول مقوله فيما معناها: "ان ذاكرتك عبارة عن وحش انت بتنسى لكن هى مبتنساش .. هى بتجمعلك حاجات في دماغك او بتبعد عنك حاجات تانيه ب ارادة خاصة بيها هى لوحدها .. انت فاكر انك بتملكها لكنها هى اللي بتملكك". Your memory is a monster; you forget - it doesn't. It simply files things away. It keeps things for you, or hides things from you - and summons them to your recall with a will of its own. You think you have a memory, but it has you! وبمناسبة نهاية السنة فدايما بيبقى كلنا عندنا ظاهره اننا عايزين السنة تخلص على اساس نبدأ بداية جديدة على نضافة .. على اساس اننا هنتغير من بس كام رقم اتغيروا في النتيجة!! الفكرة ان ذاكرتك بتلعب في الوقت ده من السنة او معظم الناس انها بتفكرك بالحاجات الوحشة وكأن السنة كلها عدت من غير حاجات حلوة .. من رحمة ربنا انه مبيديناش كل الاحداث الوحشة ورا بعض وزي ما بيقول في سورة الشرح "ان مع العسر يسرا" يعني كل حاجة وحشة فيها حاجة حلوة مستخبية فيها الفكرة فان لو فضلنا بنفس عقليتنا السنة اللي جاية واللي بعدها هتفضل الاحدا...

بغض النظر عن ان العنوان اغنية لسيد مكاوي وبيقول في اولها "يا دايق النوم اوصفلي اماراته" https://www.youtube.com/watch?v=ISwcpa-VVHo ويمكن العنوان والاغنية يدوا ايحاء للناس ان المقال عن الحب بقى وكده بس لا اطلاقا هو عن ازمة قلة النوم عندي وازاي انا ممكن اقعد 3 او 4 ورا بعض بنوم 3 ساعات ولو شربت نسكافيه 7 الصبح يسهرني ل 3 الفجر وهكذا  وكمان ان عندي حدث مهم فمش عايزة اكون قلقانه فقريت ازاي تتحدى قلقك 😂  فقالك من اهم الاسباب انك متتوترش انك تقلل كمية الكافيين قبل الحدث ده ولاني عارفه اني غير الناس وقررت اشرب نسكافيه انهاردة وهذا الحدث العظيم بكره  فقررت اعمل ابحاثي عن الكافيين بيقعد قد ايه في جسم الانسان  ولقيت انه من 4 ل 6 ساعات امال انا فعلا بحب وانا مش واخده بالي مثلا؟ وكل الارق الازلي اللي عندي من 2 كلية وانا متخرجة داخله في 3 سنين يعني 6 سنين ارق ده ايه 😂 فدورت كمان لقيت ان بيبقى في اختلاف ما بينا في ازاي جسمنا والكبد بتاعنا بيكسر الكافيين ده وفي gene معين في جسم الانسان هو اللي مسئول عن ده ومع اختلاف الجينات في الناس كل واحد جسمه بيت...

في الاول عشان الناس اللي مش عارفه يعني ايه كوميتمنت او commitment هو الارتباط او الالتزام تجاه حاجة معينة ومش شرط يكون بالمنظور الضيق اللي كلنا بنتكلم فيه انه يبقى في التزام تجاه شخص لا هو ممكن يكون خوفك من استمرارك مثلا في شغلك كتير مع صحابك كتير او حتى خوفك من استمرارك انك تزور نفس الاماكن كل مره المهم ان انا هتكلم من وجهة نظري عن خوف الارتباط من المنظور الضيق وهو خوف الارتباط وتكوين علاقة عاطفيه بينك وبين شخص تاني عادة بيكون الخوف ده له اسباب زي ان مثلا الشخص مر بعلاقة قبل كده عقدته او انه خايف يلاقي حاجة في الطرف اللي هيرتبط بيه تضايقه فيمر بعلاقة فاشله تاني واسباب كتير تانيه ومش معنى خوفك من الكومتمنت انك كائن متبلد المشاعر مبتحسش ومبتحبش لا عادي ممكن تكون بتحب وخايف ترتبط بيه عشان ايا كان سببك للخوف من الارتباط    يعني مثلا في الاغنية دي بتاعة جدل هو بيتكلم في الاغنية عنهم لما اتقابلوا وبدأوا يهتموا ببعض وفي الاخر بيقولها انا مكنتش عارف اني هحبك انا بخاف من الكومتمنت ده مثال يعني بس على ان ممكن حد يحب حد وهو بيخاف من الارتباط من ضمن اسبابي الشخ...

بغض النظر عن العنوان الركيك اللي مكتوب والمثل الشعبي المعروف "اللي خدته القرعة تاخده ام الشعور" والجزء التاني عن ردح السوشال ميديا أنا بكتب المقال او البوست ده او ايا كان مسماه عشان حاجة بتنغص عليا حياتي وان كان كل واحد حر بس موضوع الحسد اعتقد انا كنت اتكلمت في الموضوع ده قبل كده باسلوب مش سخيف اوي او مش نقد لاذع اوي كان من ده على ده بس انا النهاردة ناويه انقد نقد لاذع 😂 و ردح الاونلاين واللي اعتقد متكلمتش فيه قبل كده في يوليو 2012 اتخطبت وبما انها كانت غلطة عمري ودرس عمري في نفس الوقت فانا مش هكذب عليكوا يا جماعة انا كنت من الناس اللي بتقعد تكتب يا ناس يا شر كفاية قر والعين عليها حارس ويارب تكون ذاكرتي خيناني وان يكون ده مش حقيقي انا تقريبا كنت حاطة cover على الفيسبوك خمسه وخميسه وكده فبما ان بعد كل صدمة في حياتك انت بتنضج بدري شوية وكده فلما دلوقتي بدخل اشوف اني كنت بكتب كده بستتفه نفسي اني كنت مخطوبة اه بس معملتش انجاز احسد عليه طبعا هتيجي واحده من المتدينين موت وكده وتقولي ما الحسد مذكور في القران  الحسد لما ذكر في سورة الفلق كان فيه استعاذه يعني مش لو...

مع هوجة تقبل الذات ومحاضرات التنمية البشرية وازاي تدور جوا ذاتك اهرامتك واللي على السد  ظهر تريند جميل ظريف لطيف هو تريند البجاحة في تقبل الذات  فكرة تقبل الذات بتكمن في ان لو حتى انت عندك عيوب تتقبلها وتبدأ تكون راضي عن نفسك مش بتلوم نفسك طول الوقت مش معنى كده ان انت بقيت خالي من العيوب مفكش غلطة بس تتقبل فكرة انك مش كامل ! زي مثلا لو رسمت رسمة لازم هيكون في انتقاد عليها فيها حاجة ناقصه تسعى للكمال ده شئ جميل بس متخليش فكرة انك رسمت حاجة ناقصه تسيطر عليك انا بقول المقدمة والمثال عشان اوضح بس الفرق بين البجاحة وتقبل الذات انا كشخصي اللي هو "ساندي" كائن عصبي ودي من اكبر العيوب في شخصيتي اللي انا معترفه بيها في وقت ما كانت فكرة اني شخص عصبي مسيطرة عليا ان محدش هيحبني مش هعرف اعيش مع الناس ولحد دلوقتي بيجي في دماغي جزء من الفكرة دي بس مش مسيطرة زي الاول فتقبلي لذاتي خلاني عرفت اني اه عصبية بس في ناس ممكن تعرف تتعامل معايا بس عدم بجاحتي في اني اه عصبية ولما بتعصب وبحس اني غلط ممكن اعتذر  فكرة انك شخص عندك عيب وتقبلته ده مش معناه ان الناس كمان لازم تت...