Sandy ElKassar

في الفيلم بتاع اصحاب و بيزنيس كنا شايفين 2 صحاب بيضربوا في بعض (مجازيا) عشان خاطر كل واحد ياخد مكان التاني ويبقى اشهر من التاني وفجأة لما خسروا كل حاجة هما الاتنين اكتشفوا ان هما فعلا صحاب  مؤخرا بقى عندي ظاهره غريبة وهى اني ببص على صحابي من بعيد كده - انا عارفه اني مش صديقة مثاليه وعارفه اني فيا عيوب كتير وان ناس كتير مستحملاني- بدون دخول في تفاصيل اوفر او جو بوستات صفحة احتواء وكده بس فعلا الناس بقت بتتساقط يعني اكتشفت ان ليا صحاب مثلا بقالي 9 او 10 سنين اعرفهم وانا معرفهمش كل اللي اعرفه عنهم مشاكلهم وكنا دايما بنتصور ونكتب عشرة العمر على اساس ان احنا مثلا داخلين مسابقة بنعد فيها عدد السنين اللي بنعرف بيها بعض مش كام مره كانوا جنبي في مشكلة يعرفوا ايه عن حياتي اتعاملوا معايا ازاي هل عندهم انتظار المقابل ولا بيعاملوك لله ف لله وعشان ده اللي المفروض يتعمل او ده دوره كصديق فالدايره عماله بتصغر  كان حصل قبل كده مشكلة ليا فاني كان ليا صاحبة عزيزة جدا عليا وبعدنا عن بعض فقدرت اتكلم مع دكتور تنمية بشرية ولما لقاني متأثره ومش عارفه اتخطى الموضوع ده قالي اعتبري الناس 3 ...

ثلاثي اضواء المسرح لما غنوا الاغنية دي كانت اظن ومش معلومة اكيده من فوق ال 60 سنة بس كانوا بيسخطوا يعني على حال الناس وكده  أنا قصدي من العنوان ده لو فعلا كنا اتسألنا وشوفنا هنتربى ازاي .. وازاي ممكن اهلنا ميكونوش فاهمينا وكمية الضغط النفسي والتشوهات والامراض النفسية اللي ممكن تحصل بسبب غلطة منهم  اللي خلاني من امبارح عاوزة اكتب حاجة عن الموضوع ده ومش عارفه ابدأ ازاي كنت في تجمع نسائي فابتدت واحده تحكي عن ابنها اللي هو تقريبا في (رابعه ابتدائي) انه بيضرب اخته الصغيره وبيضربها وشبهته بانه عنده انهيار عصبي مش طفل مثلا عدواني ويبقى تحلل ده سببه ايه اللي هو غالبا بسببها او بسبب ابوه عشان ده لسه (عيل)! فمن خلال الكلام بعدها فهمت انها منفصلة عن جوزها وانها سايبه ابنها يبات عند عمته عشان مش مستحملاه يعني وكانت عاوزة توديه يعيش مع باباه معرفش هو انا دماغي ك ساندي قفزت لاستنتاج ان الولد ده ممكن يكون عصبي كده من ظروف الانفصال وكنت خلاص هقولها يعني ممكن تشوفي المشكلة فين وتحاولي تحليها مش ترميه كده يعني! والله يا جماعة انا قولت الكلام ده قبل كده الصفات الجينية د...

خلصت فيلم 18 يوم (مافيش spoilers)   الفكره ان انا فعلا بحس ان من رحمة ربنا انه حتى لو هو بيدينا مصايب وحاجات وحشة فبيوزعها على ايام وبيبقى في ايام في النص كويسة فمش بتحس بالالم بنفس المقدار اللي ممكن تحسه لما يتجمع كله في وقت واحد  الفيلم على قد ما هو لخص 18 يوم من وجهات نظر كتيره على قد ما انا كنت عماله اشوف الناس دي اللي ماتت وقد ايه الشعب اتعذب انا مش عارفه الناس اللي ماتوا دول بيتفرجوا علينا ازاي من فوق دلوقتي وكلنا حاطين جزم في بوقنا وبناكل عيش!  افتكرت برضه ان بعد التحرير كان في محمد محمود وماسبيرو ومجلس الوزرا وبعدين مرسي والناس اللي كانت بتتقتل عند قصر الاتحاديه ورابعه والنهضة وان مش ال 18 يوم دول بس اللي عدوا على مصر  هو الناس دي لما ماتت كانوا عارفين ان احنا هنبقى كده؟  افتكرت برضه ايام يناير يا جماعه ان احنا فعلا كنا بنحاول نخرج احسن ما فينا والناس اللي كانت بتنضف الشوارع كانوا بيحاولوا يثبتوا لنفسهم انهم كويسين ويستاهلوا يبقوا زي الدول النضيفه .. احنا مش شعب معفن احنا شعب معندوش امل عنده لامبالاه حاسس ان البلد دي مش بتاعته وانضفها...

احنا دايما بيبقى من وجهة نظرنا المتدين هو الشخص اللي بيصلي ويصوم كتير ولو راجل مربي دقنه ولو ست بتبقى لابسه عبايه او حتى احيانا بناخد بالمظهر الخارجي يعني انه عشان واحد مربي دقنه وماسك سبحة يبقى شيخ وممكن الشيخ الوحيد اللي يكونه هو (شيخ منصر) وان ست لابسه عبايه ممكن تكون ما تكون يعني! مع ان الدين مش محصور في صلاة وصيام  جدودنا دايما بيقولوا الدين معاملة واحنا كنا بناخدها كلمة طيبة بتكرر او بتكبس بيها واحد من المتشددين لما يكون فظ معاك فتقوله " ايه يا عم ده الدين معاملة" فبنقع دايما تحت فكرة ان لو حد بيصلي كتير او عليه اي مظهر من المظاهر الدينيه اللي احنا حددناها انه لازم يبقى شخص مثالي وهو غالبا الشخص ذاته ساعات بيصاب بجنون العظمة انه عشان بيعمل (فروض) في دينه فهو كده اعظم من الناس وبيبدأ يتعامل معاهم على الاساس ده  ممكن تكون شخصيه لابسه عبايه وبتحفظ قران وبتجيب في سيرة البنات وبترمي المحصنات اللي هى من الكبائر وشخصيه تانيه لبسها عادي ومبتعملش ده ... انا مش ربنا عشان اقول مين الاحسن ولا احنا او شخص بدقن بس ممكن يكون بيتحرش لفظيا بالبنات تحت مسمي الدين المو...

انا افتكر قبل الثورة ب 4 سنين مثلا كان لسه بداية انتشار الفيسبوك في مصر  واللي فكراه برضه ان محدش كان بيعرف يستخدمه لا صغيرين ولا كبار لدرجة ان عمرو اديب كان بيعمل فقرة كده في القاهره اليوم بيجيب واحد بيعلم الناس ازاي يعملوا اكونت وازاي نواكب العصر ونبقى شعب مودرن ومع العولمة وكده بعد الثورة الفيسبوك انتشر بطريقة غريبة لانه هو بقى الكائن الغريب اللي كان سبب في ان واحد زي مبارك ده يتشال او ده اللي كانوا وكنا فاكرينه😭 فالناس دخلت على السوشال ميديا دخول جاهل لسه بيجرب  لحد ما تقريبا دلوقتي مافيش حد مش عارف ازاي بيستخدم الفيسبوك وبيعمل ايه  الفكرة من اي موقع "تواصل اجتماعي" اننا نتواصل او اننا نعرف اخبار بعض اني اكتب اللي في دماغي اللي عاوز يشتكي يشتكي اللي عايز يشجع فريق كره يشجعه اللي عايز يبقى عميق يبقى وهكذا ودور الشخص المتفرج او اللي هيتفاعل مع حاجة زي كده انه "يتفاعل" مع الكلام ده يكتب تعليق يتجاهل يتقبل مروره العطر  الفكرة اللي انا بكتب عنها اصلا وعامله المقدمة الكبيرة العظيمة دي هى "مفتشين السوشال ميديا" او مباحث البوستات ...

 Personal Space فمن اهم الحاجات اللي كنا بنتكلم عنها ال  communication skills كنا واحنا بندرس اخدنا كورس   خلونا نتكلم عنها شوية أولا المفروض في المنطقة المحيطة بيك بيكون حواليك زي دايره وهميه نص قطرها هو طول دراعك  وكل ما بتقرب من الناس اكتر مع طبعا وضع الاعتبار لمكانه الشخص بالنسبة كل ما المساحة دي بتقل بس طبعا زي ما كلنا عارفين ان واحنا راكبين الميكروباص (المشروع) انت مش من حقك يبقى ليك Personal Space ولا اي نيله اصلا يعني ممكن الحاجة اللي جنبك تبدأ تجس نبضك الاول وتشوف هى لو واخده نص كرسيك انت هتعترض ولا لا .. معترضتش يبقى تريح عليك بدراعها على دراعك .. راكب اتوبيس وربنا كرمك ولقيت مكان فاضي خدي شيلي الكيسة دي .. أنتي مين يا ولية انتي اساسا؟ .. الدنيا اتزحمت ممكن تقعد على رجلي بدون اي سابق انذار او مبررات .. اخرهم النهاردة ست مربعه ومريحة كأني بنت خالتها بس طبعا احنا شعب (عشري) وابن بلد وجدع فبيعتبرونا قرايبهم المقربين جدا جدا جدا! ثانيا ال Personal Space من الامور الشخصية بغض النظر اني ساعات بتخطى الموضوع ده بمراحل مع الناس القريبة مني او...